個人檔案ミ نــورالدنيــا ミ相片部落格清單 工具 說明

N A W

|false|
第 1 張 / 共 12 張
14 August

|| وش هي دنيتي من دونك ||

دنيتي ..
وش هي دنيتي ..
من دونك؟!
إنت الدنيا بعيني ..
و أنا ..
والله ..
مجنونك ..

علمتني أهواك ..
علمتني أعيشك
بكل لحظاتي ..

علمتني أسكَّنك
وسط قلبي
و فيـــ ذاتي ..

علمتني إنـــها ..
من غيرك
ما تسوى حياتي ..

و تسأل وش هي
بعدك دنيتي؟!
تعال و شوفها
بعيني دمعتي ..

و اسمع نبض قلبٍ
بالمحبة يصونك ..

لا يصيبك شك ..
و إحساسك لا يخونك ..

حبيبي ..
وسط قلبي هذا مكانك ..
أضم فرحك .. و أعانق
أحزانك ..

أشوفك بعمري
من أولـه .. لأقصى مداه ..
بالفرح تـزيده ..
و في الحزن ... وحدك عزاه ..

آه ...
يوم تسأل .. !!
وشلون تسأل؟؟! ..

وش هي بعدك دنيتي ؟!؟
تضيعني ..
و أحتار أرد
بدمعتي أو بسمتي ؟!

مسكيـن
بعدك مـا تدري
على هونك
بعــد بـدري

" حبيبي "

لا صار
موتـــي و حياتي
بـ عيونك .. !

فهمني وش هو معنى دنيتي
دونـك ...؟
 
 
19 January

تصاميمـــــــــي

 
  
 
اهلن هلا
هذه بعض تصاميمي
قووولي ماشاءالله ادري فديتني اني مبدعه واااااااايد
شاسوي ااذاا الله خالقني عبقرينوو هع شدخل
 
المهم
شوووفوو التصاميم الجدأً بسيطة
وان شاء الله تنال ع اعجابكم
 
 
 
 
 
 
 
 
 
 
وبسسسسسسسسسس
 
18 January

يلا حيا

لو علمت الدار بمن زارها فرحت
واستبشرت ثم باست موضع القدمين
وأنشدت بلسان الحال قائلةً
اهلا وسهلاً بأهل الجود والكرم

مرحـبا السـاع

حياكم الله في سبيس القمره نورالدنيا

وان شاء الله ينال ع اعجابكم

ورايكم يهمني فلا تبخلون فيه

 

12 January

بقربك أحيا وأموت

لما تلقى نفسك تحب شخص وتعلق فيه يوم بعد يوم وانت عارف انه مستحيل يفكر فيك
او يعادلك بالحب الي انته تحبه لان قلبه ملكه غيرك ... ولما تعترفله شنو بتكون
كلماتك ويمكن الكلمات الي كتبتها تعبر

أحيا بقربك كل يوم وأموت

انت نهايه الزمن وبداية اوقاتي
انت دوا روحي وجرحي اللي ما أمله
انت فرحتي اللي ماعرفتني و انت حزني اللي ملكني

انت الحلم الي ما ابي اصحي منه
انت الصدر الحنون التي ادور عنه
انت العيون اللي ابي اعيش بقربها وابي رحيلها قبل لقياها
انت الوله اللي بيظل ساكن بروحي وموازين عقلي ماتبيه وتمله
انت القلب اللي ماقدر املكه وهو مملوك لغيري
انت غايتي ومصيري وشكوتي
انت أول وآخر أحبابي

عذراً .. هذه بعض خربشياتي .
بعض الاحيان القلب يجبر انه يخطي كل مافيه
وهذه اول كتاباتي .. صحيح هي مو لين هناك
لكن اهم شئ عبّر القلب عن حبه ..

 

 

هاا شرايكم ..

@@






صاحبة القلب الحسّاس ...
نواره
 
29 December

^من قــال حب البنت كذب وسواليف؟^

من قال حب البنت كذب وسواليف 
وشلون والنيران تشعل بجوفي

إن كان حبي له هروج وتخاريف 
ياكيف عاد الحب بأقسى الظروفي

عيونه سفن ورموشهن المجاديف 
ماهو غزل يانا قدين الحروفي

وجهه بحر يطري عليْ أقرب السيف 
واخاف من موج البحر مايروفي

هوْ البحر هوْ البحر سره مخيف 
يشـــدني لونه ووسطـه حتوفي

يمدلي يمناه وآقـــول يـــا حيف 
مهوب طبعي يلمسون الكفوفي

بنت البدو والحب عيب وتكاليف 
والموووت من هرجة عذولٍ نكوفي

غصبٍ عليْ الحب ماهوب بالكيف 
وشلون ابختار العنا والحسوفي

حب الشرف مهوب حبر ومظاريف 
مايلحق الشمس العظيمه كسوفي

يانـــاشدٍ عني ترى حالي صخيف 
عقب الهوى عرفت نقش الحروفي

وياللي تبي للحب وصفٍ وتعريف 
تعال شـــوف الحال تكفي وصوفي

وياعزوتي ليه الأسى والتحاسيف 
ليه انقبر حيـه وعيني تشــوفي

دخيلتك ياربي ابن آدم ضعيف 
لاقلت حقي قلـتوا القـــبر يوفي

لاتجبرون الروح غصبٍ وتخويف
ماشوف غيـره لاتـقــولون شوفي

صديت عن غيره ولي قلبٍ معيف 
لي كيف لوْ تـدرون صعبٍ عيوفي

هذاك طلق حجاج ومكرّم الضيف 
شروى الوجيه الطيبه ومعـــروفي

يسوى كثير أزوال وقلوبهم زيف 
بنطر خــيوله لوْ يطـوّ ل وقـوفي

إن كانها بالعز فالقلب له ريف 
وإلا الحـرام بعيد عــنّه طــيوفي

إما نهايتها دفوف وغطــاريف 
وعـــلوم الرجال مرقصين الســيوفي

وإلا فراقٍ يرفع الراس تشــريف 
لابو حـــياةٍ لـلـرذيـلـه تحوفي